کلامِ اقبالIqbal Repository
Working edition: the Urdu of Qaisar Barahvi is written from texts shared by readers and not yet checked against his printed books; translations and commentary are drafts awaiting review.
Show Tap any word in the Urdu or the transliteration, or select a phrase, for its meaning

جہادِ زینبؑ

Jihad-e-Zainab The Struggle of Zainab

marsiya (musaddas), 50 bands50 bandsDraft translation

MarsiyaZainab bint AliImam Zain-ul-AbidinImam HusainUbaidullah ibn ZiyadZainab's sermon in Kufa and the court of Ibn ZiyadThe captives' journey to Kufa and Damascus15 Rajab: death of Bibi Zainab

1

پھر آ گیا ہونٹوں پہ دھواں آتشِ غم سے
پھر آج برستا ہے لہو دیدۂ نم سے

phir ā gayā hoñṭoñ pe dhuāñ ātish-e-ġham se
phir āj barastā hai lahū dīda-e-nam se

Again smoke has risen to the lips from the fire of grief;
again today blood rains from the tearful eye;

پھر درد اٹھا تذکرۂ صبر و ستم سے
پھر آج یہ آتی ہے صدا نوکِ قلم سے

phir dard uṭhā tazkira-e-sabr-o-sitam se
phir āj ye ātī hai sadā nok-e-qalam se

again pain rises from the tale of patience and oppression;
again today this cry comes from the tip of the pen:

اِک قافلہ ماضی کے تصور میں عیاں ہے
اب سامنے زینبؑ کی اسیری کا بیاں ہے

ik qāfila māzī ke tasavvur meñ ayāñ hai
ab sāmne Zainab kī asīrī kā bayāñ hai

a caravan stands clear in the mind's picture of the past;
now before us is the story of Zainab's captivity.

2

پھر آج لرزتا ہے بدن بید کی صورت
پھر آج نگاہوں میں ہے تصویرِ قیامت

phir āj laraztā hai badan bed kī sūrat
phir āj nigāhoñ meñ hai tasvīr-e-qayāmat

Again today the body trembles like a willow;
again today the picture of doomsday is before the eyes;

یاد آ گئی پھر آلِ محمدؐ کی مصیبت
پھر شام کے طوفان سے ٹکرائی طبیعت

yād ā ga'ī phir āl-e-Muhammad kī musībat
phir Shām ke tūfān se ṭakrā'ī tabī'at

again the affliction of Muhammad's family comes to mind;
again the heart has struck against the storm of Sham.

درپیش ہیں ماں جائے سے ماں جائی کی باتیں
پھر کہتا ہوں یثرب کے بہن بھائی کی باتیں

darpesh haiñ māñ jā'e se māñ jā'ī kī bāteñ
phir kahtā hūñ Yasrib ke bahan bhā'ī kī bāteñ

Before us are the words of a sister to her own brother;
again I tell of the brother and sister of Yathrib.

Note Maan-jaye / maan-jayi: 'born of the same mother', i.e. full brother and sister (Husain and Zainab). Yathrib is the old name of Medina.

3

آ میرے ہم آواز! سناؤں وہ فسانہ
روتا ہے لہو جس کی حقیقت پہ زمانہ

ā mere ham āvāz! sunā'ūñ vo fasāna
rotā hai lahū jis kī haqīqat pe zamāna

Come, you who join your voice with mine! Let me tell that tale
over whose truth the age weeps blood:

دنیا جو ہوئی دولتِ فاسق کا نشانہ
لوٹا گیا صحرا میں محمدؐ کا گھرانہ

duniyā jo hu'ī daulat-e-fāsiq kā nishāna
lūṭā gayā sahrā meñ Muhammad kā gharāna

when the world became the target of a sinner's wealth,
the household of Muhammad was plundered in the desert.

اُمت نے دیا ساتھ یزیدِ اُموی کا
سر کاٹ لیا زر کے لئے سبطِ نبیؐ کا

ummat ne diyā sāth Yazīd-e-Umavī kā
sar kāṭ liyā zar ke liye sibt-e-nabī kā

The community stood with Yazid the Umayyad,
and for gold cut off the head of the Prophet's grandson.

4

یوں پھر گئے اولادِ پیمبرؐ سے مُسلماں
نسبت نہ رکھیں جس سے کسی دین کے انساں

yūñ phir ga'e aulād-e-payambar se musalmāñ
nisbat na rakheñ jis se kisī dīn ke insāñ

Muslims turned against the Prophet's children in such a way
as people of any faith would not want to be linked with;

بڑھتے رہے سادات پہ یُوں ظلم کے طوفاں
ہے جن کے لئے دیدۂ تاریخ بھی حیراں

baṛhte rahe sādāt pe yūñ zulm ke tūfāñ
hai jin ke liye dīda-e-tārīḳh bhī hairāñ

storms of cruelty kept rising so against the Sayyids
that even the eye of history is astonished at them.

سربستہ ہوا تھا جو مدینے کی فضا میں
وہ راز کھلا معرکۂ کرب و بلا میں

sar-basta huā thā jo Madīne kī fazā meñ
vo rāz khulā ma'raka-e-Karb-o-Balā meñ

The secret that had lain sealed in the air of Medina
came open in the battle of Karbala.

5

جب داخلِ کوفہ ہوئی اولادِ پیمبرؐ
اونٹوں پہ رسن بستہ، پریشان، کھلے سر

jab dāḳhil-e-Kūfa hu'ī aulād-e-payambar
ūñṭoñ pe rasan basta, pareshān, khule sar

When the Prophet's children entered Kufa,
on camels, bound with rope, distressed, heads uncovered,

عابدؑ سے یہ زینبؑ نے کہا اے مرے دلبر
کس شہر میں لائے ہیں ہمیں ظُلم کے خوگر

Ābid se ye Zainab ne kahā ai mire dilbar
kis shahr meñ lā'e haiñ hameñ zulm ke ḳhūgar

Zainab said to Abid: O my beloved,
to what city have these men used to cruelty brought us?

گھبراتا ہے دِل صورتِ آلام ہے بیٹا
بتلاؤ تو اس شہر کا کیا نام ہے بیٹا

ghabrātā hai dil sūrat-e-ālām hai beṭā
batlā'o to is shahr kā kyā nām hai beṭā

My heart is uneasy; it has the look of affliction, son;
tell me, what is the name of this city, son?

Note Abid: Imam Zain-ul-Abidin (Ali ibn Husain), the sick son of Husain who survived Karbala.

6

آباد ہیں اس شہر میں کس دین کے انساں
کافر ہیں یہاں لوگ کہ رہتے ہیں مسلماں

ābād haiñ is shahr meñ kis dīn ke insāñ
kāfir haiñ yahāñ log ki rahte haiñ musalmāñ

People of what faith live in this city?
Are the people here unbelievers, or do Muslims live here?

وابستۂ انجیل ہیں یا پیروِ قرآں
کیا واقفِ توحید ہے اس شہر کا سلطاں

vābasta-e-Injīl haiñ yā pairav-e-Qurāñ
kyā vāqif-e-tauhīd hai is shahr kā sultāñ

Are they bound to the Gospel, or followers of the Quran?
Does the ruler of this city know the oneness of God?

تعریف یہاں کس کی بیاں ہوتی ہے بیٹا
اس شہر میں وحدت کی اذاں ہوتی ہے بیٹا

ta'rīf yahāñ kis kī bayāñ hotī hai beṭā
is shahr meñ vahdat kī azāñ hotī hai beṭā

Whose praise is spoken here, son?
Is the call to prayer of God's oneness given in this city, son?

7

اس شہر میں لیتا ہے کوئی نامِ پیمبرؐ
اس شہر میں رہتا ہے کوئی عاشقِ حیدرؑ

is shahr meñ letā hai ko'ī nām-e-payambar
is shahr meñ rahtā hai ko'ī āshiq-e-Haidar

Does anyone in this city take the Prophet's name?
Does any lover of Haidar live in this city?

خاموش ہو کیوں کچھ تو کہو عابدِؑ مضطر
اس شہر میں دیکھا ہے کوئی واقفِ جعفرؑ

ḳhāmosh ho kyūñ kuchh to kaho Ābid-e-muztar
is shahr meñ dekhā hai ko'ī vāqif-e-Ja'far

Why are you silent? Say something, troubled Abid.
Have you seen anyone in this city who knows Ja'far?

شیدا ہے یہاں پر کوئی زہراؑ کے چمن کا
اس شہر میں کوئی ہے طرفدار حسنؑ کا

shaidā hai yahāñ par ko'ī Zahrā ke chaman kā
is shahr meñ ko'ī hai tarafdār Hasan kā

Is anyone here devoted to Zahra's garden?
Is there anyone in this city who takes Hasan's side?

Note Ja'far: probably Ja'far al-Tayyar, Ali's brother and Zainab's uncle (her husband Abdullah was his son).

8

یہ سُن کے تڑپنے لگا عابدؑ کا کلیجا
گردوں پہ نظر ڈال کے آغاز کو دیکھا

ye sun ke taṛapne lagā Ābid kā kalejā
gardūñ pe nazar ḍāl ke āġhāz ko dekhā

Hearing this, Abid's heart began to writhe;
he looked up at the heavens and saw how it had all begun;

پھر بولے کہ اے میری پھوپھی ثانیِ زہراؑ
اس شہر کو دنیا کی زباں کہتی ہے کوفا

phir bole ki ai merī phūphī sānī-e-Zahrā
is shahr ko duniyā kī zabāñ kahtī hai Kūfā

then he said: O my aunt, second Zahra,
the world's tongue calls this city Kufa.

ظاہر میں تو اسلام کی آباد زمیں ہے
پر آلِ محمدؐ کا کوئی دوست نہیں ہے

zāhir meñ to islām kī ābād zamīñ hai
par āl-e-Muhammad kā ko'ī dost nahīñ hai

Outwardly it is a thriving land of Islam,
but the family of Muhammad has no friend here.

9

عابدؑ نے لیا نام جو کوفے کا تو یک بار
زینبؑ کی نگاہوں میں پھرے حیدرِؑ کرار

Ābid ne liyā nām jo Kūfe kā to yak bār
Zainab kī nigāhoñ meñ phire Haidar-e-Karrār

When Abid named Kufa, all at once
Haidar-e-Karrar passed before Zainab's eyes.

افسوس کہ دیکھا تھا جہاں باپ کا دربار
لائی تھی وہاں گردشِ تقدیر گرفتار

afsos ki dekhā thā jahāñ bāp kā darbār
lā'ī thī vahāñ gardish-e-taqdīr giraftār

Alas, where she had seen her father's court,
the turning of fate had brought her a captive;

شہزادی جہاں پر کبھی کہلائی تھی زینبؑ
افسوس، رسن بستہ وہاں آئی تھی زینبؑ

shahzādī jahāñ par kabhī kahlā'ī thī Zainab
afsos, rasan basta vahāñ ā'ī thī Zainab

where Zainab had once been called a princess,
alas, there Zainab had come bound with rope.

Note Kufa was the capital of Ali's caliphate, where Zainab had lived as his daughter.

10

اتنے میں کسی شخص نے لشکر سے یہ پوچھا
مارا ہے کسے لُوٹا ہے یہ قافلہ کس کا

itne meñ kisī shaḳhs ne lashkar se ye pūchhā
mārā hai kise lūṭā hai ye qāfila kis kā

Meanwhile someone asked the army:
Whom have you killed? Whose caravan is this you have plundered?

تھا کون، بنے جس کے حرم آج تماشا
تھا کون خطاوار ملی جس کو یہ ایذا

thā kaun, bane jis ke haram āj tamāshā
thā kaun ḳhatāvār milī jis ko ye īzā

Who was he, whose women have become a spectacle today?
What wrongdoer was he, who met this torment?

لشکر نے کہا صرف بغاوت کی سزا ہے
باغی تھا حکومت کا جسے لُوٹ لیا ہے

lashkar ne kahā sirf baġhāvat kī sazā hai
bāġhī thā hukūmat kā jise lūṭ liyā hai

The army said: It is only the punishment for rebellion;
the one we have plundered was a rebel against the state.

11

زینبؑ نے سنا لفظِ بغاوت تو سنبھل کر
خطبہ یہ دیا مثلِ نبیؐ صورت حیدرؑ

Zainab ne sunā lafz-e-baġhāvat to sambhal kar
ḳhutba ye diyā misl-e-nabī sūrat-e-Haidar

When Zainab heard the word "rebellion", she steadied herself
and gave this sermon like the Prophet, in the manner of Haidar:

زندہ ہے ابھی کہنے کو مظلوم کی خواہر
پردہ نہ پڑے گا مرے بھائی کے لہو پر

zinda hai abhī kahne ko mazlūm kī ḳhvāhar
parda na paṛe gā mire bhā'ī ke lahū par

The wronged one's sister is still alive to speak;
no veil will be drawn over my brother's blood.

یہ حق و صداقت کی صدا چھا کے رہے گی
ہر ذرّے سے آوازِ حسینؑ آ کے رہے گی

ye haq-o-sadāqat kī sadā chhā ke rahe gī
har zarre se āvāz-e-Husain ā ke rahe gī

This cry of right and truth will spread over all;
from every particle Husain's voice will surely come.

12

احمدؐ کے نواسے پہ بغاوت کا ہے الزام
کہتے ہو کہ باغی کا یہی ہوتا ہے انجام

Ahmad ke navāse pe baġhāvat kā hai ilzām
kahte ho ki bāġhī kā yahī hotā hai anjām

The charge of rebellion is laid on Ahmad's grandson;
you say this is how a rebel always ends.

انصاف کرو کون ہوا باغیِ اسلام
کس نے نہ دیا احمدِؐ مختار کا پیغام

insāf karo kaun huā bāġhī-e-islām
kis ne na diyā Ahmad-e-Muḳhtār kā paiġhām

Be just: who became the rebel against Islam?
Who failed to pass on the message of Ahmad, the Chosen?

وہ کون ہے جو نشّۂ دُنیا میں پڑا ہے
قرآں کی حفاظت کے لئے کون لڑا ہے

vo kaun hai jo nashsha-e-duniyā meñ paṛā hai
Qurāñ kī hifāzat ke liye kaun laṛā hai

Who is it that lies drunk on the world,
and who fought to protect the Quran?

13

اے کوفیو، کیوں بھول گئے صدق بیانی
انصاف ہے دنیا میں حقیقت کی نشانی

ai Kūfiyo, kyūñ bhūl ga'e sidq bayānī
insāf hai duniyā meñ haqīqat kī nishānī

O people of Kufa, why have you forgotten truthful speech?
Justice is the sign of truth in the world.

گر یاد نہیں تُم کو محمدؐ کی زبانی
محفوظ ہے قرآن میں کس گھر کی کہانی

gar yād nahīñ tum ko Muhammad kī zabānī
mahfūz hai Qurān meñ kis ghar kī kahānī

If you do not remember it from Muhammad's own lips,
whose house's story is kept safe in the Quran?

جو حافظِ قرآں ہیں وہ تفسیر سُنا دیں
ہے کِن کے لئے آیۂ تطہیر بتا دیں

jo hāfiz-e-Qurāñ haiñ vo tafsīr sunā deñ
hai kin ke liye āya-e-tathīr batā deñ

Let those who know the Quran by heart explain it;
let them say for whom the Verse of Purification came.

Note Ayat al-Tathir, the Verse of Purification (Quran 33:33), read in Shia tradition as referring to the Ahl al-Bayt.

14

تم کو یہ گماں ہے کہ مٹا نامِ شریعت
قائم ہوئی بدکارِ زمانہ کی خلافت

tum ko ye gumāñ hai ki miṭā nām-e-sharī'at
qā'im hu'ī badkār-e-zamāna kī ḳhilāfat

You imagine that the name of the sacred law has been wiped out,
that the caliphate of the age's evildoer is established;

تم کو یہ گماں ہے کہ بجھی شمعِ امامت
باقی نہ رہا اب کوئی اندیشۂ بیعت

tum ko ye gumāñ hai ki bujhī sham'-e-imāmat
bāqī na rahā ab ko'ī andesha-e-bai'at

you imagine that the candle of the Imamate has gone out,
that no worry about the oath of allegiance remains.

لیکن بخدا ظلم کی قوّت نہ رہے گی
اسلام کے دشمن کی حکومت نہ رہے گی

lekin ba-Ḳhudā zulm kī quvvat na rahe gī
islām ke dushman kī hukūmat na rahe gī

But by God, the power of cruelty will not last;
the rule of Islam's enemy will not last.

15

اے کوفیو کس گھر سے ملی تم کو ہدایت
کس گھر نے سکھائے تمہیں آئینِ حکومت

ai Kūfiyo kis ghar se milī tum ko hidāyat
kis ghar ne sikhā'e tumheñ ā'īn-e-hukūmat

O people of Kufa, from which house did you receive guidance?
Which house taught you the laws of government?

اے کوفیو کس گھر نے دیا نورِ محبت
کس گھر نے عطا کی تمہیں قرآن کی دولت

ai Kūfiyo kis ghar ne diyā nūr-e-mohabbat
kis ghar ne atā kī tumheñ Qurān kī daulat

O people of Kufa, which house gave you the light of love?
Which house granted you the wealth of the Quran?

کس گھر کے سبق نے تمہیں انسان بنایا
بولو، تمہیں کس گھر نے مسلمان بنایا

kis ghar ke sabaq ne tumheñ insān banāyā
bolo, tumheñ kis ghar ne musalmān banāyā

Whose lessons made you human?
Speak: which house made you Muslims?

16

کیوں تم نے رکھا ظُلم روا، کچھ تو بتا دو
کس جرم پہ دی ہے یہ سزا، کچھ تو بتا دو

kyūñ tum ne rakhā zulm ravā, kuchh to batā do
kis jurm pe dī hai ye sazā, kuchh to batā do

Why did you hold cruelty lawful? Tell us that at least.
For what crime was this punishment given? Tell us that at least.

نفرت کا سبب وجہِ جفا کچھ تو بتا دو
اے کوفیو اس گھر کی خطا کچھ تو بتا دو

nafrat kā sabab vajh-e-jafā kuchh to batā do
ai Kūfiyo is ghar kī ḳhatā kuchh to batā do

The cause of the hatred, the reason for the cruelty: tell us that at least.
O people of Kufa, tell us at least the fault of this house.

خاموش ہو کیوں حق کی صدا کوئی نہیں ہے
شاید یہ خطا ہے کہ خطا کوئی نہیں ہے

ḳhāmosh ho kyūñ haq kī sadā ko'ī nahīñ hai
shāyad ye ḳhatā hai ki ḳhatā ko'ī nahīñ hai

Why are you silent? Is there no voice of truth?
Perhaps the fault is that there is no fault.

17

بولو مرے نانا نے کسی گھر کو جلایا
قیدی کسی مظلوم مسافر کو بنایا

bolo mire nānā ne kisī ghar ko jalāyā
qaidī kisī mazlūm musāfir ko banāyā

Say, did my grandfather burn anyone's house?
Did he make a captive of some wronged traveller?

بولو مرے بابا نے یتیموں کو رُلایا
اور لوٹ کے بیواؤں کو سر ننگے پھرایا

bolo mire bābā ne yatīmoñ ko rulāyā
aur lūṭ ke bevā'oñ ko sar nange phirāyā

Say, did my father make orphans weep,
or plunder widows and parade them bareheaded?

دیکھا ہے کسی اہلِ وطن غیرِ وطن نے
دُرّے کسی معصوم کو مارے تھے حسنؑ نے

dekhā hai kisī ahl-e-vatan ġhair-e-vatan ne
durre kisī ma'sūm ko māre the Hasan ne

Has anyone, of this land or a stranger to it, seen
Hasan whip any innocent person?

18

تقریر یہ کرتی تھی ابھی زینبؑ لاچار
ناگاہ نظر آنے لگا کوفے کا دربار

taqrīr ye kartī thī abhī Zainab-e-lāchār
nāgāh nazar āne lagā Kūfe kā darbār

Helpless Zainab was still making this speech
when suddenly the court of Kufa came into view.

غیرت کا پسینہ ہوا ماتھے پہ نمودار
دل میں یہ خیال آیا کہ جاؤں گی نہ زنہار

ġhairat kā pasīna huā māthe pe namūdār
dil meñ ye ḳhayāl āyā ki jā'ūñ gī na zinhār

The sweat of shame broke out on her brow;
the thought came to her heart: I will never go there.

ناقے سے کہا بہرِ خُدا رُخ نہ اُدھر کر
حیوان ہے لیکن مرے پردے پہ نظر کر

nāqe se kahā bahr-e-Ḳhudā ruḳh na udhar kar
haivān hai lekin mire parde pe nazar kar

She said to the camel: For God's sake, do not turn that way;
you are an animal, but have regard for my veil.

19

یہ کہہ کے سرِ پاک اٹھایا تو یہ دیکھا
کچھ کہتا ہے نیزے پہ محمدؐ کا نواسا

ye kah ke sar-e-pāk uṭhāyā to ye dekhā
kuchh kahtā hai neze pe Muhammad kā navāsā

Saying this, she raised her head and saw
Muhammad's grandson saying something from the spear;

ظاہر رُخِ انور پہ ہے اک اشکوں کا دریا
کیا کہہ دیا ماں جائے نے ماں جائی نے سمجھا

zāhir ruḳh-e-anvar pe hai ik ashkoñ kā daryā
kyā kah diyā māñ jā'e ne māñ jā'ī ne samjhā

a river of tears showed on the radiant face.
What the brother said, the sister understood.

کچھ اتنا اثر کر دیا اشکوں کے سخن نے
اپنا لیا بھائی کے اشارے کو بہن نے

kuchh itnā asar kar diyā ashkoñ ke suḳhan ne
apnā liyā bhā'ī ke ishāre ko bahan ne

The speech of the tears had such effect
that the sister took her brother's sign to heart.

20

بھائی کا اشارہ تھا بہن ہوش میں آؤ
مظلوم برادر کی وصیّت نہ بھلاؤ

bhā'ī kā ishāra thā bahan hosh meñ ā'o
mazlūm birādar kī vasiyyat na bhulā'o

The brother's sign said: Sister, come to yourself;
do not forget your wronged brother's last wish.

طوفان میں کشتی ہے مرا ہاتھ بٹاؤ
بھائی سے محبت ہے تو آنسو نہ بہاؤ

tūfān meñ kashtī hai mirā hāth baṭā'o
bhā'ī se mohabbat hai to āñsū na bahā'o

The boat is in the storm; lend me a hand.
If you love your brother, do not shed tears.

پروا نہ کرو آج اگر ظلم روا ہے
تم صبر کرو صبر، خدا دیکھ رہا ہے

parvā na karo āj agar zulm ravā hai
tum sabr karo sabr, Ḳhudā dekh rahā hai

Do not care if cruelty is allowed today;
be patient, be patient: God is watching.

21

زینبؑ مری محنت کہیں برباد نہ جائے
بیکس کی ریاضت پہ زوال آنے نہ پائے

Zainab mirī mehnat kahīñ barbād na jā'e
bekas kī riyāzat pe zavāl āne na pā'e

Zainab, let my labour not go to waste;
let no decline touch the toil of the friendless one.

پردیس میں جو دولتِ اولاد لٹائے
اُس دل کے ارادوں پہ کہیں حرف نہ آئے

pardes meñ jo daulat-e-aulād luṭā'e
us dil ke irādoñ pe kahīñ harf na ā'e

The one who gave away the wealth of his children in a foreign land:
let no blame fall on the purpose of that heart.

زینبؑ ابھی آغاز ہے انجام نہیں ہے
یہ منزلِ کوفہ ہے ابھی شام نہیں ہے

Zainab abhī āġhāz hai anjām nahīñ hai
ye manzil-e-Kūfa hai abhī Shām nahīñ hai

Zainab, this is still the beginning, not the end;
this is the stage of Kufa; it is not yet Sham.

22

دربار میں جاتے ہوئے گھبراتی ہو ہمشیر
کیا آج نگاہوں میں نہیں ہمّتِ شبیرؑ

darbār meñ jāte hu'e ghabrātī ho hamshīr
kyā āj nigāhoñ meñ nahīñ himmat-e-Shabbīr

Are you afraid, sister, as you go into the court?
Is Shabbir's courage not before your eyes today?

بالوں سے عبث منہ کے چھپانے کی ہے تدبیر
کیا میری بہن سر پہ نہیں چادرِ تطہیر

bāloñ se abas muñh ke chhupāne kī hai tadbīr
kyā merī bahan sar pe nahīñ chādar-e-tathīr

It is no use trying to hide your face with your hair:
my sister, is the mantle of purity not on your head?

کچھ غم نہ کرو آج بظاہر جو کھلا ہے
بیٹی کے سرِ پاک پہ امّاںؑ کی ردا ہے

kuchh ġham na karo āj ba-zāhir jo khulā hai
beṭī ke sar-e-pāk pe ammāñ kī ridā hai

Do not grieve if it seems uncovered today;
on the daughter's pure head is her mother's cloak.

23

لو جاؤ بہن، ہمتِ شبیرؑ دکھا دو
ایوانِ ستم کے در و دیوار ہلا دو

lo jā'o bahan, himmat-e-Shabbīr dikhā do
aivān-e-sitam ke dar-o-dīvār hilā do

Go now, sister, show Shabbir's courage;
shake the doors and walls of the palace of tyranny;

انسان کی سوئی ہوئی تہذیب جگا دو
دنیا کو مری فتح کا پیغام سُنا دو

insān kī so'ī hu'ī tahzīb jagā do
duniyā ko mirī fath kā paiġhām sunā do

awaken the sleeping civilisation of humankind;
give the world the message of my victory.

بڑھتے ہوئے سیلاب کا رُخ موڑ دو زینبؑ
اسلام کے غدار کا منہ توڑ دو زینبؑ

baṛhte hu'e sailāb kā ruḳh moṛ do Zainab
islām ke ġhaddār kā muñh toṛ do Zainab

Turn back the rising flood, Zainab;
break the jaw of the traitor to Islam, Zainab.

24

شکوہ نہ کرو قاسمؑ مضطر کی قسم ہے
کھولو نہ زباں چھوٹے برادر کی قسم ہے

shikva na karo Qāsim-e-muztar kī qasam hai
kholo na zabāñ chhoṭe birādar kī qasam hai

Do not complain: I bind you by the anguished Qasim.
Do not open your lips: I bind you by our younger brother.

آہیں نہ بھرو لاشۂ اصغرؑ کی قسم ہے
غصّے میں نہ آؤ علی اکبرؑ کی قسم ہے

āheñ na bharo lāsha-e-Asġhar kī qasam hai
ġhusse meñ na ā'o Alī Akbar kī qasam hai

Do not sigh: I bind you by Asghar's body.
Do not be angry: I bind you by Ali Akbar.

بھائی کے عمل، وقت کی رفتار کو دیکھو
زنجیروں کو اور عابدِؑ بیمار کو دیکھو

bhā'ī ke amal, vaqt kī raftār ko dekho
zanjīroñ ko aur Ābid-e-bīmār ko dekho

Look at your brother's deeds and the march of time;
look at the chains, and at the sick Abid.

Note The younger brother is Abbas.

25

بھائی کے اشارے میں جو تلقین یہ پائی
تھرّا گئی اک دم اسداللہؑ کی جائی

bhā'ī ke ishāre meñ jo talqīn ye pā'ī
tharrā ga'ī ik dam Asadullāh kī jā'ī

When she received this counsel in her brother's sign,
the daughter of Asadullah trembled at once;

برچھی وہ تصور نے کلیجے پہ لگائی
اٹھارہ برس والے کی صورت نظر آئی

barchhī vo tasavvur ne kaleje pe lagā'ī
aṭhāra baras vāle kī sūrat nazar ā'ī

imagination drove such a spear into her heart:
the face of the eighteen-year-old appeared before her.

مجبور ہوئی ہاتھ بندھے تھے جو کمر سے
لی گود کے پالے کی بلا دستِ نظر سے

majbūr hu'ī hāth bandhe the jo kamar se
lī god ke pāle kī balā dast-e-nazar se

She was helpless, for her hands were tied at her waist;
with the hand of her gaze she took on herself the ills of the child she had raised in her lap.

Note The eighteen-year-old is Ali Akbar. 'Bala lena' is the gesture of passing the hands over a loved one to draw their misfortunes onto oneself; with her hands tied she does it with her eyes.

26

پھر آنکھوں ہی آنکھوں میں یہ کی بھائی سے تقریر
اچھا مرے ماں جائے نہ گھبرائے گی ہمشیر

phir āñkhoñ hī āñkhoñ meñ ye kī bhā'ī se taqrīr
achchhā mire māñ jā'e na ghabrā'e gī hamshīr

Then with her eyes alone she spoke to her brother:
Very well, my brother, your sister will not be afraid;

خوش ہو کے اٹھا لے گی ہر اک ذلت و تحقیر
زینبؑ کی رضا کچھ نہیں جو مرضیِ شبیرؑ

ḳhush ho ke uṭhā le gī har ik zillat-o-tahqīr
Zainab kī razā kuchh nahīñ jo marzī-e-Shabbīr

she will gladly bear every disgrace and insult.
Zainab has no wish beyond what Shabbir wills.

ماں جائے کا ہر حکم بجا لائے گی زینبؑ
لے جائیں گے جس طرح چلی جائے گی زینبؑ

māñ jā'e kā har hukm bajā lā'e gī Zainab
le jā'eñ ge jis tarah chalī jā'e gī Zainab

Zainab will carry out her brother's every command;
however they take her, Zainab will go.

27

اب چشم کہیں اشک جو بھر لائے تو کہنا
غم سے دل زینبؑ نہ سکوں پائے تو کہنا

ab chashm kahīñ ashk jo bhar lā'e to kahnā
ġham se dil-e-Zainab na sukūñ pā'e to kahnā

If my eye now fills with tears anywhere, then say so;
if Zainab's heart finds no calm in its grief, then say so;

پیشانیِ خواہر پہ شکن آئے تو کہنا
ظالم کی حکومت نہ الٹ جائے تو کہنا

peshānī-e-ḳhvāhar pe shikan ā'e to kahnā
zālim kī hukūmat na ulaṭ jā'e to kahnā

if a frown comes to your sister's brow, then say so;
if the tyrant's rule is not overturned, then say so.

ہر منزلِ دشوار کو آسان کرے گی
بھیّا، یہ بہن فتح کا اعلان کرے گی

har manzil-e-dushvār ko āsān kare gī
bhaiyā, ye bahan fath kā e'lān kare gī

She will make every hard stage easy;
brother, this sister will proclaim the victory.

28

اسلام کے دشمن کو یہ ہو جائے گا معلوم
جھکتے نہیں تلوار سے اسلام کے مخدوم

islām ke dushman ko ye ho jā'e gā ma'lūm
jhukte nahīñ talvār se islām ke maḳhdūm

The enemy of Islam will come to know this:
the masters of Islam do not bow before the sword.

بھیّا، میں زمانے کو بتا دوں گی یہ مفہوم
حق پر ہو تو ظالم کو مٹا دیتا ہے مظلوم

bhaiyā, maiñ zamāne ko batā dūñ gī ye mafhūm
haq par ho to zālim ko miṭā detā hai mazlūm

Brother, I will make the age understand this meaning:
when the wronged one stands on truth, he wipes out the tyrant.

ہے کفر عبث مصطفویؐ شان کے آگے
جادو کبھی چلتا نہیں قرآن کے آگے

hai kufr abas mustafavī shān ke āge
jādū kabhī chaltā nahīñ Qurān ke āge

Unbelief is futile before the dignity of Mustafa;
magic never works before the Quran.

29

بھیّا مجھے اکبرؑ کی قسم دی ہے تو سُن لو
خطبوں سے ہلا دوں گی میں ایوانِ ستم کو

bhaiyā mujhe Akbar kī qasam dī hai to sun lo
ḳhutboñ se hilā dūñ gī maiñ aivān-e-sitam ko

Brother, since you have bound me by Akbar, then listen:
with my sermons I will shake the palace of tyranny.

پروا نہیں اب شام کی گلیوں میں گذر ہو
کیا کرتی ہے اب خواہرِ مغموم یہ دیکھو

parvā nahīñ ab Shām kī galiyoñ meñ guzar ho
kyā kartī hai ab ḳhvāhar-e-maġhmūm ye dekho

I do not care now if my way lies through the streets of Sham;
see now what your grieving sister does.

دربارِ جفا کار ہو یا قید کی راتیں
دہراؤں گی ماں جائے کے کردار کی باتیں

darbār-e-jafā kār ho yā qaid kī rāteñ
dohrā'ūñ gī māñ jā'e ke kirdār kī bāteñ

Whether in the oppressor's court or in the nights of prison,
I will tell again and again of my brother's deeds.

30

درپیش جو اب شام کا رستہ ہے تو کیا ہے
رستے میں جفاؤں کا اندھیرا ہے تو کیا ہے

darpesh jo ab Shām kā rasta hai to kyā hai
raste meñ jafā'oñ kā andherā hai to kyā hai

What if the road to Sham now lies before me?
What if the way is dark with cruelties?

ہاتھوں کو پس پُشت جو باندھا ہے تو کیا ہے
بھیّا مجھے کانٹوں پہ بھی چلنا ہے تو کیا ہے

hāthoñ ko pas-e-pusht jo bāndhā hai to kyā hai
bhaiyā mujhe kāñṭoñ pe bhī chalnā hai to kyā hai

What if my hands are tied behind my back?
Brother, what if I must walk even on thorns?

اُس لال پہ قربان ہر اِک آن رہوں گی
میں عابدِؑ مضطر کی نگہبان رہوں گی

us lāl pe qurbān har ik ān rahūñ gī
maiñ Ābid-e-muztar kī nigahbān rahūñ gī

Every moment I will give myself for that dear son;
I will be the guardian of troubled Abid.

31

ماں جائے سے ماں جائی نے اتنا ہی کہا تھا
کچھ دور پہ اک لاشۂ بے سر نظر آیا

māñ jā'e se māñ jā'ī ne itnā hī kahā thā
kuchh dūr pe ik lāsha-e-be-sar nazar āyā

The sister had said only this much to her brother
when a headless body came into view a little way off.

پہلے اسے زینبؑ نے بڑے غور سے دیکھا
پھر ضبط کے انداز میں عابدؑ سے یہ پوچھا

pahle use Zainab ne baṛe ġhaur se dekhā
phir zabt ke andāz meñ Ābid se ye pūchhā

First Zainab looked at it very closely,
then, holding herself in, she asked Abid:

اے نورِ نظر خون کے رشتے پہ یقیں ہے
بیٹا یہ کہیں لاشۂ مسلمؑ تو نہیں ہے

ai nūr-e-nazar ḳhūn ke rishte pe yaqīñ hai
beṭā ye kahīñ lāsha-e-Muslim to nahīñ hai

Light of my eyes, I trust the bond of blood;
son, is this not perhaps the body of Muslim?

Note Muslim ibn Aqil, Husain's cousin and envoy to Kufa, was killed there before Karbala and his body dragged through the bazaar.

32

عابدؑ نے کہا کیسے کہوں اے پھوپھی امّاں
لاریب، یہی ہیں مرے مظلوم چچا جاں

Ābid ne kahā kaise kahūñ ai phūphī ammāñ
lā-raib, yahī haiñ mire mazlūm chachā jāñ

Abid said: How can I say it, dear aunt?
Without doubt, this is my wronged uncle.

ہے پاؤں میں باندھی ہوئی رسّی سے نمایاں
لاشے کو یہاں کھینچ کے لائے ہیں مُسلماں

hai pā'oñ meñ bāñdhī hu'ī rassī se numāyāñ
lāshe ko yahāñ khīñch ke lā'e haiñ musalmāñ

It is plain from the rope tied to his feet:
Muslims have dragged the body here.

بابا کی طرح یہ بھی رہے قیدِ جفا میں
یہ کوفے کے بازار میں، وہ کرب و بلا میں

bābā kī tarah ye bhī rahe qaid-e-jafā meñ
ye Kūfe ke bāzār meñ, vo Karb-o-Balā meñ

Like my father, he too was held in cruelty's grip:
he in the bazaar of Kufa, my father at Karbala.

33

یہ سُنتے ہی اِک بار جھکی ثانیِ زہراؑ
شاید یہی بے ساختہ جُھکنے کا سبب تھا

ye sunte hī ik bār jhukī sānī-e-Zahrā
shāyad yahī be-sāḳhta jhukne kā sabab thā

Hearing this, the second Zahra bent down at once;
perhaps this was the reason she bowed without thinking:

احساس کے عالم میں یہ لاشے سے تھی گویا
اچھا ہوا بھیّا مجھے سر ننگے نہ دیکھا

ehsās ke ālam meñ ye lāshe se thī goyā
achchhā huā bhaiyā mujhe sar nange na dekhā

overcome with feeling, she was saying to the body:
It is well, brother, that you did not see me bareheaded.

پردیس میں سر اپنا تو کٹوا دیا مسلمؑ
بچوں کو مگر کس کے حوالے کیا مسلمؑ

pardes meñ sar apnā to kaṭvā diyā Muslim
bachchoñ ko magar kis ke havāle kiyā Muslim

In a foreign land you gave up your head, Muslim,
but to whose care did you leave your children, Muslim?

Note Muslim's two young sons escaped from Kufa but were later caught and killed.

34

القصّہ ہوئے اہلِ حرم داخلِ دربار
مصروف جہاں بادہ کشی میں تھے خطا کار

al-qissa hu'e ahl-e-haram dāḳhil-e-darbār
masrūf jahāñ bāda kashī meñ the ḳhatā kār

In short, the women of the household entered the court,
where the wrongdoers were busy drinking wine.

آواز یہ دی شمر نے ہاں قیدیو ہشیار
اب سامنے حاکم ہے خبردار، خبردار

āvāz ye dī Shimr ne hāñ qaidiyo hushyār
ab sāmne hākim hai ḳhabardār, ḳhabardār

Shimr called out: Now, prisoners, take heed!
The ruler is before you now: beware, beware!

مطلق نہ ہلیں ہونٹ یہ تاکید ہے سب سے
سر اپنا اٹھائے نہ کوئی پاسِ ادب سے

mutlaq na hileñ hoñṭ ye tākīd hai sab se
sar apnā uṭhā'e na ko'ī pās-e-adab se

All are ordered not to move their lips at all;
let no one raise their head, out of respect.

35

ناقوں پہ جو بیٹھے ہیں وہ نیچے اُتر آئیں
حاکم نہ غضبناک ہو یہ خیر منائیں

nāqoñ pe jo baiṭhe haiñ vo nīche utar ā'eñ
hākim na ġhazabnāk ho ye ḳhair manā'eñ

Those sitting on the camels must come down;
let them pray the ruler does not grow angry;

کیا جانیے کس رنگ میں نازل ہوں سزائیں
فکر اپنی کریں وارثوں کی یاد بھلائیں

kyā jāniye kis rang meñ nāzil hoñ sazā'eñ
fikr apnī kareñ vārisoñ kī yād bhulā'eñ

who knows in what form the punishments will fall?
Let them think of themselves and forget their protectors.

ہے ابنِ زیاد آج مسّرت کے نشے میں
لازم ہے رسن، جملہ اسیروں کے گلے میں

hai Ibn-e-Ziyād āj masarrat ke nashe meñ
lāzim hai rasan, jumla asīroñ ke gale meñ

Ibn Ziyad is drunk with joy today;
a rope must be on the neck of every prisoner.

36

یہ سنتے ہی ناقوں کا ٹھہرنا تھا قیامت
ناقوں سے اسیروں کا اترنا تھا قیامت

ye sunte hī nāqoñ kā ṭhaharnā thā qayāmat
nāqoñ se asīroñ kā utarnā thā qayāmat

Hearing this, the camels' halting was a doomsday;
the prisoners' getting down from the camels was a doomsday;

بچوں کا نئے ظلم سے ڈرنا تھا قیامت
اس دَور سے زینبؑ کا گزرنا تھا قیامت

bachchoñ kā na'e zulm se ḍarnā thā qayāmat
is daur se Zainab kā guzarnā thā qayāmat

the children's fear of fresh cruelty was a doomsday;
Zainab's passing through this ordeal was a doomsday.

سنبھلا نہ گیا ہاتھ پسِ پُشت بندھے تھے
ایسے ہی گری جیسے کہ عباسؑ گرے تھے

sambhlā na gayā hāth pas-e-pusht bandhe the
aise hī girī jaise ki Abbās gire the

She could not keep her balance, her hands were tied behind her;
she fell just as Abbas had fallen.

Note Abbas fell from his horse at the river after both his arms had been cut off.

37

کہتے ہیں کہ اس وقت فقط عابدِؑ بیمار
زنجیر سنبھالے ہوئے دوڑے تھے بہ دشوار

kahte haiñ ki is vaqt faqat Ābid-e-bīmār
zanjīr sambhāle hu'e dauṛe the ba dushvār

They say that at that moment only the sick Abid,
holding up his chains, ran forward with difficulty;

فضّہؑ کی صدا آئی تھی یا حیدرِؑ کرار
کہتے ہیں پکاری تھی سکینہؑ جگر افگار

Fizza kī sadā ā'ī thī yā Haidar-e-Karrār
kahte haiñ pukārī thī Sakīna jigar afgār

Fizza's cry was heard: O Haidar-e-Karrar!
They say heartbroken Sakina called out:

کیا نہر پہ سوتے ہو چلے آؤ چچا جان
دُرّے پھوپھی امّاں کو نہ کھلواؤ چچا جان

kyā nahr pe sote ho chale ā'o chachā jān
durre phūphī ammāñ ko na khilvā'o chachā jān

Are you sleeping by the river? Come, uncle;
do not let my aunt be whipped, uncle.

Note Fizza: the household's servant, who had served Fatima. Sakina calls on her uncle Abbas, killed at the river.

38

عابدؑ کے سہارے سے محمدؐ کی نواسی
معصوم سکینہؑ کی طرف دیکھ کے اُٹھی

Ābid ke sahāre se Muhammad kī navāsī
ma'sūm Sakīna kī taraf dekh ke uṭhī

With Abid's support, Muhammad's granddaughter,
looking toward innocent Sakina, rose;

اُٹھی تو بڑے ضبط کے انداز میں بولی
عابدؑ مرے مقسوم کی تحریر یہی تھی

uṭhī to baṛe zabt ke andāz meñ bolī
Ābid mire maqsūm kī tahrīr yahī thī

she rose and spoke with great restraint:
Abid, this was what was written in my lot.

دنیا کا جو ارمانِ جفا ہے وہ نکل جائے
اسلام کی گرتی ہوئی دیوار سنبھل جائے

duniyā kā jo armān-e-jafā hai vo nikal jā'e
islām kī girtī hu'ī dīvār sambhal jā'e

Let the world's longing for cruelty have its fill,
so that the falling wall of Islam may be held up.

39

بعد اس کے قطاروں میں کھڑے ہو گئے قیدی
گنتی ہوئی نیزوں پہ شہیدوں کے سروں کی

ba'd is ke qatāroñ meñ khaṛe ho ga'e qaidī
gintī hu'ī nezoñ pe shahīdoñ ke saroñ kī

After that the prisoners were made to stand in rows;
the martyrs' heads on the spears were counted;

حاکم نے بنِ سعد سے تفصیل جو پوچھی
ہونے لگی پہلے سرِ شبیرؑ کی پیشی

hākim ne bin-e-Sa'd se tafsīl jo pūchhī
hone lagī pahle sar-e-Shabbīr kī peshī

when the ruler asked Ibn Sa'd for the details,
Shabbir's head was the first to be presented.

یوں طشت میں سر آیا ستم گار کے آگے
جیسے کوئی قرآن ہو میخوار کے آگے

yūñ tasht meñ sar āyā sitam gār ke āge
jaise ko'ī Qurān ho maiḳhvār ke āge

The head came on a tray before the tyrant
as if a Quran were set before a drunkard.

Note Ibn Sa'd: Umar ibn Sa'd, commander of the army at Karbala.

40

بدخواہ نے دیکھا جو سرِ سبطِ پیمبرؐ
نخوت کی اداؤں سے یہ کہنے لگا ہنس کر

badḳhvāh ne dekhā jo sar-e-sibt-e-payambar
naḳhvat kī adā'oñ se ye kahne lagā hañs kar

When the ill-wisher saw the head of the Prophet's grandson,
he laughed and began to speak with arrogant airs:

کیوں ابنِ علیؑ، کس کو ہوئی فتح میسّر
کس کو مرے لشکر نے دیا موت کا ساغر

kyūñ Ibn-e-Alī, kis ko hu'ī fath muyassar
kis ko mire lashkar ne diyā maut kā sāġhar

Well, son of Ali, who won the victory?
To whom did my army hand the cup of death?

جو عرش سے اُتری تھی وہ شمشیر کہاں ہے؟
اب آلِ محمدؐ کی وہ توقیر کہاں ہے؟

jo arsh se utrī thī vo shamshīr kahāñ hai?
ab āl-e-Muhammad kī vo tauqīr kahāñ hai?

Where is the sword that came down from the Throne?
Where now is that honour of Muhammad's family?

Note The sword from the Throne is Zulfiqar, Ali's sword, said to have been sent from heaven.

41

پھر دیکھ کے عابدؑ کو سلاسل میں گرفتار
یوں کہنے لگا قہر کی آنکھوں سے جفا کار

phir dekh ke Ābid ko salāsil meñ giraftār
yūñ kahne lagā qahr kī āñkhoñ se jafā kār

Then, seeing Abid held captive in chains,
the oppressor spoke thus, with angry eyes:

شاید یہی شبیرؑ کا فرزند ہے بیمار
ہے موت کا پیغام جسے طوقِ گرانبار

shāyad yahī Shabbīr kā farzand hai bīmār
hai maut kā paiġhām jise tauq-e-girāñbār

Perhaps this is Shabbir's sick son,
for whom the heavy iron collar is a message of death.

صد شکر نبیؐ زادیاں تشہیر ہوئی ہیں
رسوائیاں احمدؐ کے گھرانے کو ملی ہیں

sad shukr nabī zādiyāñ tashhīr hu'ī haiñ
rusvā'iyāñ Ahmad ke gharāne ko milī haiñ

A hundred thanks, the Prophet's daughters have been paraded;
disgrace has come to Ahmad's household.

42

یہ لاف زنی سنتے ہی شبیرؑ کی خواہر
کہنے لگی کیا کہتا ہے خاموش ستمگر

ye lāf zanī sunte hī Shabbīr kī ḳhvāhar
kahne lagī kyā kahtā hai ḳhāmosh sitamgar

Hearing this boast, Shabbir's sister
said: What are you saying? Be silent, tyrant!

دولت ہے ترے پاس، ہمیں دین میسّر
قرآن میں ہے عزّتِ اولادِ پیمبرؐ

daulat hai tire pās, hameñ dīn muyassar
Qurān meñ hai izzat-e-aulād-e-payambar

You have wealth; we have faith.
The honour of the Prophet's children is in the Quran.

کم ہو نہیں سکتی کبھی توقیر ہماری
اسلام کی تقدیر ہے تشہیر ہماری

kam ho nahīñ saktī kabhī tauqīr hamārī
islām kī taqdīr hai tashhīr hamārī

Our dignity can never be lessened;
our being paraded is the destiny of Islam.

43

اے ابنِ زیاد، اتنا بتا دے ترا لشکر
میدان میں کس طرح لڑے وارثِ حیدرؑ

ai Ibn-e-Ziyād, itnā batā de tirā lashkar
maidān meñ kis tarah laṛe vāris-e-Haidar

O Ibn Ziyad, let your army tell just this much:
how did Haidar's heir fight on the field?

اب سبطِ نبیؐ آئے تھے بعدِ علی اصغرؑ
کیا کیا نہ کھلے عرش کی تلوار کے جوہر

ab sibt-e-nabī ā'e the ba'd-e-Alī Asġhar
kyā kyā na khule arsh kī talvār ke jauhar

The Prophet's grandson came out after Ali Asghar;
what feats that sword from the Throne displayed!

کہہ دے کوئی معراجِ وغا تھی کہ نہیں تھی
لشکر میں دہائی کی صدا، تھی کہ نہیں تھی

kah de ko'ī me'rāj-e-vaġhā thī ki nahīñ thī
lashkar meñ duhā'ī kī sadā, thī ki nahīñ thī

Let someone say whether it was the summit of battle or not;
was there a cry for mercy in your army, or was there not?

44

حاضر ہے بنِ سعد تری فوج کا سردار
موجود ہے کھولے تو زباں شمرِ ستم گار

hāzir hai bin-e-Sa'd tirī fauj kā sardār
maujūd hai khole to zabāñ Shimr-e-sitam gār

Ibn Sa'd, the commander of your army, is here;
Shimr the tyrant is here: let him open his mouth;

انصاف سے کہہ دیں ترے پیدل ترے اسوار
کس کو مرے بھائی سے ہوئی جرأتِ پیکار

insāf se kah deñ tire paidal tire asvār
kis ko mire bhā'ī se hu'ī jur'at-e-paikār

let your foot soldiers and your horsemen say honestly
who had the courage to fight my brother.

مرنے کی ہوا میں کسے جینے کا یقیں تھا
وہ کون بہادر تھا، جو فرار نہیں تھا

marne kī havā meñ kise jīne kā yaqīñ thā
vo kaun bahādur thā, jo farār nahīñ thā

In that air of death, who was sure of staying alive?
Who was the brave man who did not run?

45

ملتا نہ اگر واسطۂ احمدِ مرسلؐ
بھائی کو اگر رحم نہ آتا سرِ مقتل

miltā na agar vāsita-e-Ahmad-e-Mursal
bhā'ī ko agar rahm na ātā sar-e-maqtal

Had there not been the bond with Ahmad, the Messenger,
had my brother not felt mercy on the field of slaughter,

کیا چیز تھی کوفے کی گھٹا شام کا بادل
ظالم! سرِ دربار نکلتے ترے کَس بَل

kyā chīz thī Kūfe kī ghaṭā Shām kā bādal
zālim! sar-e-darbār nikalte tire kas bal

what were the clouds of Kufa or the storm-cloud of Sham?
Tyrant! Your pride would have been knocked out of you here in your own court.

لیکن مرے ماں جائے نے اُمّت پہ نظر کی
یہ ہار نہیں جیت ہے زہراؑ کے پسر کی

lekin mire māñ jā'e ne ummat pe nazar kī
ye hār nahīñ jīt hai Zahrā ke pisar kī

But my brother had regard for the community;
this is not defeat but the victory of Zahra's son.

46

اے ابنِ زیاد آج بھرا ہے ترا دربار
بیٹھے ہیں بڑی شان سے دولت کے پرستار

ai Ibn-e-Ziyād āj bharā hai tirā darbār
baiṭhe haiñ baṛī shān se daulat ke parastār

O Ibn Ziyad, your court is full today;
the worshippers of wealth sit here in great state.

ہوتا جو کوئی دینِ محمدؐ کا طرف دار
ہم پردہ نشینوں پہ گزرتی نہ یہ زنہار

hotā jo ko'ī dīn-e-Muhammad kā taraf dār
ham parda nashīnoñ pe guzartī na ye zinhār

Had any one of them stood for Muhammad's faith,
this would never have befallen us veiled women.

بے پردگی ناموسِ رسالتؐ کے لئے ہے
کافی یہ طمانچہ تری غیرت کے لئے ہے

be-pardagī nāmūs-e-risālat ke liye hai
kāfī ye tamāñcha tirī ġhairat ke liye hai

Our unveiling is for the honour of the Prophethood;
this slap is enough for your sense of shame.

47

گونجی سرِ دربار جو زینبؑ کی یہ آواز
ٹکرا گئی ماضی سے خیالات کی پرواز

gūñjī sar-e-darbār jo Zainab kī ye āvāz
ṭakrā ga'ī māzī se ḳhayālāt kī parvāz

When Zainab's voice rang out in the court,
the flight of thought struck against the past;

کچھ لوگوں کو یاد آنے لگے حیدریؑ انداز
ہونے لگا ہمدردیِ مظلوم کا آغاز

kuchh logoñ ko yād āne lage Haidarī andāz
hone lagā hamdardī-e-mazlūm kā āġhāz

some people began to remember Haidar's manner;
sympathy for the wronged began.

شرمندگیِ فکر ہر انسان سے کھیلی
کوفے کی فضا درد کے طوفان سے کھیلی

sharmindagī-e-fikr har insān se khelī
Kūfe kī fazā dard ke tūfān se khelī

Shame of thought took hold of every person;
the air of Kufa was tossed by a storm of pain.

Note Ali had preached in Kufa; Zainab's sermon reminded its people of his voice.

48

گھبرا کے اُٹھا ابنِ زیادِ ستم آرا
داروغۂ زنداں کو جفا جو نے پکارا

ghabrā ke uṭhā Ibn-e-Ziyād-e-sitam ārā
dāroġha-e-zindāñ ko jafā jo ne pukārā

Alarmed, the oppressor Ibn Ziyad rose;
the cruel one called the keeper of the prison

بولا یہ اسیروں کی طرف کر کے اشارا
لیجا انہیں جلدی، نہیں تاخیر گوارا

bolā ye asīroñ kī taraf kar ke ishārā
le-jā unheñ jaldī, nahīñ tāḳhīr gavārā

and said, pointing at the prisoners:
Take them away quickly; I will allow no delay.

دربار کا انداز دگر دیکھ رہا ہوں
بدلی ہوئی لوگوں کی نظر دیکھ رہا ہُوں

darbār kā andāz digar dekh rahā hūñ
badlī hu'ī logoñ kī nazar dekh rahā hūñ

I see the mood of the court is changing;
I see the people's eyes have turned.

49

چلنے جو لگے اہلِ حرم جانبِ زنداں
آنکھوں سے بہن بھائی کے سر پر ہوئی قرباں

chalne jo lage ahl-e-haram jānib-e-zindāñ
āñkhoñ se bahan bhā'ī ke sar par hu'ī qurbāñ

As the women of the household set off toward the prison,
with her eyes the sister gave herself up for her brother's head.

اُس وقت مگر بول اُٹھی گردشِ دوراں
قربان ترے قافلہ سالارِ غریباں

us vaqt magar bol uṭhī gardish-e-daurāñ
qurbān tire qāfila sālār-e-ġharībāñ

But at that moment the turning of time spoke out:
I give myself for you, leader of the caravan of the destitute!

مُنہ توڑ دیا دُشمنِ اولادِ نبیؐ کا
اعلان کیا فتحِ حسینؑ ابنِ علیؑ کا

muñh toṛ diyā dushman-e-aulād-e-nabī kā
e'lān kiyā fath-e-Husain Ibn-e-Alī kā

You have silenced the enemy of the Prophet's children;
you have proclaimed the victory of Husain son of Ali.

50

قیصؔر کی زباں کہہ نہ سکے گی مرے ہمدم
زینبؑ نے اُٹھائے جو نئے ظلم نئے غم

Qaisar kī zabāñ kah na sake gī mire hamdam
Zainab ne uṭhā'e jo na'e zulm na'e ġham

Qaisar's tongue cannot tell, my friend,
the new cruelties and new griefs that Zainab bore.

سمجھا گیا کوفے کا بدلتا ہوا عالم
زینبؑ سے اُٹھا مقصدِ شبیرؑ کا پرچم

samjhā gayā Kūfe kā badaltā huā ālam
Zainab se uṭhā maqsad-e-Shabbīr kā parcham

The changing mood of Kufa was understood;
through Zainab the banner of Shabbir's purpose was raised.

باطل کے ہر اِک زعم کی تصویر مٹا دی
زینبؑ کی اسیری نے شہادت کو بقا دی

bātil ke har ik za'm kī tasvīr miṭā dī
Zainab kī asīrī ne shahādat ko baqā dī

She wiped out the image of every claim of falsehood;
Zainab's captivity gave martyrdom lasting life.

Source: Marasi-e-Qaisar Barahvi, printed pages 277-288 (eMarsiya scan). Title page gives 50 bands and the year 1954. Read by Adab AI from the page images.

Verification: Read from the scan in one pass; not yet checked line by line.

Transliteration: Marked Roman (docs/editorial/transliteration-ur.md) stored in transliteration_marked; the simple Roman shown on the site is generated from it. Translation: Adab AI (draft for review). Catalogue ID QAIS-M003.